Преподобный Иоанн Затворник

Икона прп. Иоанна Затворника с житием

➠ Житие

➠ Служба  (скачать PDF)

➠ Видеоматериалы

➠ Аудиодиск «Святых Гор украшение»

➠ Материалы, статьи, новости

Тропарь преподобному Иоанну Затворнику, глас 8:

В пусты́ню Святы́х Гор пришéл еси́, / ми́ра красотý остáвив, / и крест взeмь послéдовал еси́ Христý, óтче нaш Иоа́нне, / пощéнием, бде́нием и тя́жкими вери́гами / в затво́ре подвизáлся еси́, / дýши недýжных, приходя́щих к тебе́ ве́рою, исцеля́еши, / и оби́тели твоея́ украше́ние явля́ешися, / те́мже со А́нгелы срáдуется, преподо́бне, дyх твой.

Кондак преподобному Иоанну Затворнику, глас 4:

Сýетнаго жития́ треволне́ния, / мяте́ж мирски́й и по́хоти стра́стная взыгра́ния нивочто́же вмени́в, / Святы́х Гор пусты́нный граждани́н показа́лся еси́, / тя́жкий по́двиг затво́ра подъя́в на себе́, / наста́вник мно́гих мона́шествующих был еси́, / Иоáнне Затво́рниче, / моли́твенниче о душа́х на́ших.

МОЛИТВА ПРЕПОДОБНОМУ ИОАННУ, ЗАТВОРНИКУ СВЯТОГОРСКОМУ

О преподо́бне и Богоно́сне о́тче наш Иоа́нне! Ве́рою припа́даем тебе́, помо́щниче наш ди́вный и ско́рый услы́шателю, не премолчи́ о нас ко Го́споду Бо́гу в Тро́ице покланя́емому и сла́вимому, да ми́лостивно призре́в на ны, не попу́стит нам поги́бнути во гресе́х на́ших, но да возста́вит нас, и да пода́ст исправле́ние зло́му окая́нному на́шему житию́, от гряду́щих грехопаде́ний восхища́я, и да прости́т нам вся, ели́ка согреши́хом от рожде́ния и до сего́ часа́.

Испроси́ нам у Созда́теля на́шего вели́кия и бога́тыя да́ры бла́гости Его́: земли́ плодоно́сие, возду́ха благорастворе́ние, мир во днех на́ших, ве́ры Правосла́вныя утвержде́ние, боля́щим здра́вие, скорбя́щим утеше́ние, уныва́ющим ободре́ние, бе́дствующим призре́ние, убо́гим снабде́ние, подвиза́ющимся преуспе́яние, умира́ющим благу́ю христиа́нскую кончи́ну и всем правосла́вным христиа́ном позна́ние благода́ти Бо́жией и ве́чное о Го́споде спасе́ние.

Не преста́й, всечестны́й о́тче, предста́тельствовати о стране́ на́шей. Наипа́че же святу́ю оби́тель, в не́йже трудолю́бно подвиза́лся еси́, моли́твою твое́ю не оста́ви, да утверди́тся в ней братолю́бие, терпе́ние, послуша́ние и любо́вь, и да приложи́тся покая́ние благоде́телем ея́.

Ей, о́тче наш Иоа́нне, услы́ши нас, бе́дствующих в ми́ре сем, страсте́й бу́рею потопля́емых, и умири́ жизнь на́шу, отыми́ вся́кую вражду́ и неприя́знь, покры́й нас покро́вом всемо́щнаго заступле́ния твоего́ от вся́каго наве́та вра́жия, да без преткнове́ния до после́днего издыха́ния просла́вим неизрече́нное человеколю́бие ди́внаго во святы́х Свои́х Бо́га Отца́, и Сы́на, и Свята́го Ду́ха во ве́ки веко́в. Ами́нь.


Желающие могут приобрести или заказать иконы и другие святыни, освященные на мощах преподобного Иоанна Затворника, на странице интернет-магазина Святогорской Лавры.